2018 見證分享
《主為我還清罪債》 陳舜
自小因為是獨子，所以爸媽特別對我偏愛，由小到大生活無憂，雖然家境不太富有，但亦盡量滿足我的需要，慢慢培養出一種不理後果性格，因為天大的事情都有爸媽照住。 記得第一份工作，就是在爸爸投資的店舖工作，其間就養成一些壞習慣--賭錢，自己亦很幼稚，認為在賭枱上可以有真友誼，天真呀! 所謂友誼，他們只是想盡方法把我的財富轉到他們身上。
「大花筒」的我還是懵然不知，他們出千，把我媽媽辛苦賺回來的錢也都給我花光了，直到媽媽確診癌病，爸爸有外遇，晴天霹靂，我更加自暴自棄。 雖然媽媽臨死之前，我曾經說我戒賭，可惜步出醫院後又像「大花筒」到處借錢賭錢，吃喝玩樂，因為和爸爸關係惡劣，錢銀方面已經不再支持，試過早餐無得食，得五毫子返工，但自從認識耶穌之後，雖然偶有軟弱再犯錯，但現在重生戒賭，多謝耶穌，給我人生價值觀改變。 如果再放任下去，恐怕天上的父親會再狠狠的打我一棍，所以自從參加得勝教會開始已不再賭錢，加上弟兄的鼓勵，同路同行。感謝主恩！
我很喜歡這金句: 羅馬書五章8節
「唯有基督在我們還做罪人的時候為我們死，神的愛就在此向我們顯明了。」
陳舜(左三)與教會弟兄姊妹
閱讀更多
《耶穌愛我愛到底》 管惠芳
我自小在基督教家庭成長，一共有八兄姊妹，媽媽係返潮州浸信會教會。 我童年時，當時的幼稚園係天台上堂，而隔離就係一個天台教會，當時有位牧師主動叫我和對上兩個家姐一齊去教會玩和食嘢，之後就一直跟她們返教會，純粹只係為咗玩和食。 上到小學後，我成日給老師叫答問題，但又唔識，所以成日被老師打手板，令到我變到十分怕事，加上自己讀書又少又唔叻，覺得自己蠢，從而令到我對自己愈來愈無信心。 我係18歲就識咗我前夫，好快就結咗緍。 因為前夫是拜神，奶奶又係拜觀音的，所以結婚之後就無再返教會。 不久就生咗第一個女兒，隔咗8年再生埋第二個女兒。
之後在1999年發現老公包二奶，所以就決定離婚，因為這件事自己受唔住這個咁大打擊，加上當時兩個女又唔聽話，更加覺得生無可戀，所以決定自殺尋死。 好彩自殺不遂，只是入咗醫院住咗幾日，和被醫生判斷患上抑鬱症。 幸好家人及教友支持下，決定重新和兩個女過新生活。
後來和兩個女搬返去和媽媽一齊住，所以再次返教會，之後媽媽就離世了。 可惜後來細女愈學愈壞，由食煙再變到吸毒，因為唔想成日對住個女係到吸毒，所以係家姐鼓勵之下揾咗份清潔的工作。 點知個女後來更變本加厲在屋企吸毒。 因為細女吸毒的原因，我揾咗教友為細女祈禱，從中更加感受到愛和關懷，之後因為工作的緣故，所以有幾年返唔到教會，除非公司安排到我放假星期日，我便會返教會。 2018年我轉咗新公司後，竟然給我放星期日假期，所以可以和兩個女一齊去崇拜。
奇妙地，今年4月細女雯雯當日原本同教友行山，因為落大雨改咗去BBQ，收到細女電話叫我一齊去BBQ，當日JESS和我傾談，不斷回顧返自己過去十年所發生的事，離婚後能夠重新振作；細女由吸毒到憑教友們的祈禱後，她就戒毒成功。 這一切一定係神帶領著我的人生，所以我好肯定地立即決志。 之後，十分積極返得勝堂的小組，並在何姑娘和家人支持之下決定參加洗禮，將生命完全交給主。
管惠芳(右三)與家人
閱讀更多
《尋找，就尋見！》馬元利
感謝天父給我可以分享我信主的經過。 我出生在一個基督教嘅家庭，我爸媽都係信耶穌。 我排第五，兄弟中的大哥！小學時在基督教學校讀書，聽過耶穌個名，知道祈禱要低頭合上眼，其他甚麼也不記得！
我讀完初中就出來做成衣學徒，跟師父一齊生活，滿師之後，才搬回家與父母和兄弟姊妹一起生活！
之後工作，拍拖，結婚有自己的家庭，有仔女，最近多了個外孫！
馬元利與孫女
因為很早出來做事，靠師兄弟靠朋友多過靠家人，打過工又試過創業，都是失敗而回，曾經給好朋友騙過，失了金錢也失了友誼，混混噩噩幾十年！
直至幾年前認識冬青，令我對基督信仰產生興趣！ 跟他到得勝堂做崇拜，每次聽道都觸動我心，好平安平靜，好想聽多些，好期待星期二的聚會！
我媽媽一直好希望我信主！ 我自己也經過尋求而認識耶穌更多！
閱讀更多
