2014 見證分享
《記念主恩》 莫主恩
我是莫主恩，主恩是父母給我名字。回顧往事，主恩默默眷顧，正如我生命的印記一樣！也是媽媽留下的最寶貴最寶貴的禮物—主恩永伴隨！我生於一個貧窮家庭，父母都是基督徒。很不幸，父親在我4歲時離世，因媽媽患有小兒痳痺症，無能力照顧我，所以被送到保良局去了！直至18歲。
18-23歲期間，我經歷了很多很多！當年，因幫助一個16歲少女朋友籌錢墮胎，義不容辭地憑著單純，樂於助人的心，被安排進入夜總會工作。甚至在往後3-4年，遇上壞人，遭威脅、被虐打、被強暴、又假稱我欠人錢，致電我親戚，影響我多年再沒有與他們聯絡，進入一個極度驚慌黑暗的日子！直到有一天，重遇那少女朋友，她知道我情況後，立刻找方法帶我離開那魔掌，住在她朋友家兩年。期間再工作，仍然是夜總會，不過再不敢隨便識朋友了！
不久，遇上現在的男朋友，他很照顧關心我，我們一起都已有10多年。初相識時，他和他的哥哥及媽媽常常向我傳福音，又帶我去恩福堂崇拜，由那時起，開始認識耶穌的事和教訓，但未決志信主。
2011年，參加基恩敬拜聚會，認識了小玲和阿Joe，我記得小玲擁抱著我，並約我去她的教會—樂泉堂。我心想：真好，我家住土瓜灣，正希望在本區找一間教會固定聚會。感謝主！天父知道我的需要，在我未曾祈求以先，祂早有預備了！神真憐憫和眷顧我。
5月開始，我返樂泉堂崇拜，又返同學會團契，跟著返得勝崇拜，並由莫牧師帶領我決志，在儷人組學習聖經。
但我2012年，心不定，想起自己有很多不潔，又戒不到煙，於是離開教會和主，返回自己的生活裡！直至2014年5月才返回
主耶穌身邊。感謝主，我雖離棄祂，但主不曾把我離棄，不斷忍耐召我回羊欄內。
我記得聖經上說：信主的人不能事奉兩個主。只可以揀一個，所以今次回轉返回主身邊，常常想辦法怎樣戒煙，盼望並不再以自己為主，而是以耶穌做我生命之主，過一個討祂喜悅的生活。
我在這方面不停禱告，求主幫助！有一次，興仔對我說：你有無心戒煙先？若沒有，說甚麼都沒有用！他又給我戒煙機構的電話。他說得對，講是無用的，要用決心行動表示給上帝。我立刻致電該機構，約了第二日見社工，用了三日戒煙貼，就戒掉了！感謝主！
以前的我，不能容忍那些不整潔、自我中心的人，我有一個同住的女朋友，正是如此，但信主後，發覺自己對她有更多容忍、包容和寬恕，我相信是住在我心裡的主幫助我改變！現在，我很喜歡抽更多時間，讀聖經及屬靈書籍，希望靈命更上一層樓！
閱讀更多
《跟主作門徒》鎵邦
我生於社團的家庭，幸好在媽媽嚴厲教導下，我沒有因此而學壞。我所讀的小學是基督教學校，有聖經課堂，也有團契崇拜，而中學則是天主教學校，所以我從小透過聖經，對神有一點認識。自中學畢業後，我再沒有上學，很多時相約朋友吃喝玩樂，基於從小性格問題，當時的我，脾氣比較暴燥，常因小事發脾氣，也經常說謊及粗言穢語。
其實我相信神，也許有一半原因是我的爸爸。爸爸是一位能幹、有智慧的人，我看到信主後的他，人生各方面有莫大的改變。而我也觀察到，社會上有很多傑出和成功人士也是教徒，這些原因都令我絕對相信神的存在。三年前我決志信主，我每天會禱告、查經，又會參加教會聚會。我的弟弟感覺到我跟從前不一樣，他也因著我的改變正在漸漸認識神。但捫心自問，並不足夠，我一直都想接受水禮，但因種種藉口，一拖再拖。
到了今天，我決意參加水禮班，因為我知道主耶穌基督是我們的救世主，希望神可以赦免我的罪，做我生命之主。我衷心希望接受水禮後的我，更加努力認識神，將福音傳遞給身邊更多的人，更希望神會一直引領我日後所走的道路！
閱讀更多
《睇見證，也成見證》羅偉佳
我最初認識主耶穌是在小學，家住藍田。小時讀基督教小學，對基督教都有啲認識，屋企是草根階層，父親工作，母親要照顧家庭。小時候都係通山走，話壞又唔係，話好又無我份，讀書成績一般。星期六或日都有時返吓週會，對耶穌認識一般，讀到中三無讀，轉讀工業學院，當時同一班同學都很反斗，十幾歲入社團，當時覺得很好玩，但最多都係打吓交。十七、八歲出嚟做嘢，期間都沒有點犯過事，沒有吸毒習慣，可能自己玩功夫關係，知道一掂呢啲嘢就玩完。三十歲結婚，有兩個兒子、一個女兒，做裝修期間都有拍下電影，拍電影時認識咗一班手足，其中一個係劉冬青，大家兄弟感情都好好，可能拍電影成日都出生入死喇，唔覺至今都二十幾年，冬青我一直睇住佢變，都好奇怪，佢以前乜都啱都可以變到今日咁，都覺得呢個耶穌都有啲料喎。幾年前惹咗一單官司，同冬青講過，我每一次上庭佢都會出現，有呢個手足我十分開心，仲經常同我禱告，幸好最後無事。
第一次出席得勝係2012年春茗，冬青叫我去，認識咗牧師及一班弟兄姊妹，之後都叫我返得勝崇拜，最初返都會覺得會唔會好悶，出席過幾次又覺得好好，可以聽下牧師講道，及分享弟兄姊妹見證，唔覺都返咗得勝差不多三年喇，最初頭一年多位牧師都叫我浸禮，可能我自己仲認為未係時候，又吸煙、飲酒，但返得勝慢慢覺得心靈好舒服，同埋啲牧者好好。弟兄姊妹都好關心，好多時得勝嘅活動我有時間一定會去參與，返得勝最大嘅得益可能係自己好似返咗一個大家庭，我會再繼續去成長，去更加認識主耶穌。
閱讀更多
《不再自我，為主而活》 梁佩雯
我自細在一個單親家長大，算係半個基督教嘅家庭長大（婆婆、公公、有幾個姨媽係基督徒）。所以自細都有返過教會，因為係單親家庭長大，所以我比其他小朋友更反叛 ，當時媽咪覺得無辦法照顧我，所以我經常去唔同嘅宿舍住，亦試過入女童院！直到中學我唔再需要住宿舍開始，我慢慢學壞。因各種原因令到我有抑鬱同自殺傾向，慢慢更踏入吸毒嘅路上。當時我係同朋友去玩先會食下，但再加上開始要同媽咪两個人去承擔屋企所有開支，我亦係當時選擇咗一份唔太正經既工作，雖然搵好多錢，但一啲都唔開心，直到我識到一個比我大好多既男人，佢亦因為我慢慢開始染上吸毒嘅習慣，當時佢話會好好照顧我，點知一年之後佢因為毒品而出賣我，亦因為呢件事令到我既抑鬱自殺傾向再次走出黎，呢件事之後我更加唔信我身邊既所以有人包括我自己媽咪。所以一直都靠自己同毒品去渡過自己既每一日，直到我識到另一個男仔，我地好快拍拖，佢本身都係吸毒者，所以大家累鬥累咁過每一日，亦因為食毒品要好多錢，我就連買賣毒品都做埋，其實當時我知道媽咪一直係好旁惶無助，亦知道佢每個星期日返教會好好去為我祈禱，我亦相信神聽到媽咪既禱告。所以大約過左半年既生活，突然有一日我好似叮一聲咁覺得自己唔可以再咁落去，我要有好既身體先可以同當時既男朋友去結婚生BB，過正常人過既生活，所以係個一刻，我係媽咪面前倒哂所有毒品，並同媽咪講我以後唔會再食，唔會再令你傷心。我就從個一刻開始冇再食毒品。我係靠著自己同神既意志去戒毒，係呢段時間真係好難受，心癮問題，身體上既問題等等，我一直好努力咁去戒，但原來我身邊個個仲不斷繼續吸毒。好彩呢段時間我一直都有堅持住同媽咪返教會，去親近神。所以我先可以繼續咁堅定唔再吸。雖然係呢半年裡面我都有好多唔同既誘惑，令到我好想食返，例如自己肥左好多，好多唔開心。最重要係2011年我爸爸發現自己有末期肺癌，當時既我其實本身應該仲好憎我爸爸同爸爸既太太（因為係佢地令到我有一個咁唔完整既家），但因為信主之後，主耶穌係聖經入面令到我學識真正既愛，包容，寬恕，因為每個人都曾經係罪人，但耶穌基督都依然咁愛我地每一個。所以我決定同媽咪去再見爸爸一家，爸爸病既時間我一直都有為到佢去祈禱，每當我見到佢辛苦既時候我一直為佢祈禱，我好記得有一次爸爸痛到神智不清既時候，我祈禱：神呀！雖然爸爸未係一心堅定去跟隨你，但同樣係你既兒女，求你唔好再讓到爸爸受到呢啲既折磨，讓到佢可以清醒甘去走埋佢人生上既路，求你減輕佢既痛楚！Amen！
雖然係一個好簡短既禱告，但神真係聽到孩子所想既，無幾耐爸爸就清醒返，亦感覺舒服咗好多亦無咁痛了。之後無幾耐爸爸就離世了，當爸爸剛斷氣時，我當時既男朋友竟然係醫院食大咗，個刻我又傷心又嬲！但感謝主繼續我既身心都支持住我！無比我係我最傷心既時候做錯事行返之前既路！我相信係神既帶領，所以開始覺得佢冇為我而去諗將來，諗去戒毒，個一刻我怕會被佢再令我自己既定力唔夠，所以我決定分手。無幾耐我就認識到我依家既老公，我同我老公一齊咗無耐就結婚喇，所以我更加相信一切既事情都係主去為我挑選，挑選出最好最合適既比孩子！特別係認識主耶穌之後我發現自己既抑鬱同自殺傾亦慢慢消失左，亦開始向身邊未信主既朋友講下主耶穌，亦嘗試慢慢叫下佢地反教會！我相信日後我可以再為主做更多既事！
閱讀更多
